चिलीको उत्तरी क्षेत्रमा ६.९ म्याग्निच्युडको भूकम्प

चिलीको उत्तरी क्षेत्रमा पर्ने अटाकामा मरुभूमि क्षेत्रमा सोमबार ६.९ म्याग्निच्युडको भूकम्प गएको छ। अमेरिकी भूगर्भ सर्वेक्षणका अनुसार भूकम्पको केन्द्रविन्दु कालामा सहरबाट करिब ३१ किलोमिटर टाढा जमिनको सतहबाट १०० किलोमिटर गहिराइमा रहेको थियो। भूकम्पबाट हालसम्म कुनै मानवीय वा भौतिक क्षतिको विवरण प्राप्त भएको छैन भने चिलीको नौसेनाले तटीय क्षेत्रमा सुनामीको जोखिम नरहेको स्पष्ट पारेको छ।

Summary by Jayaman