इलाममा दुई दिने ‘केचना–कञ्चनजङ्घा रेस्पोन्सिबल टुरिजम मिट’ सुरु

पूर्वी नेपालको दिगो पर्यटन र व्यावसायिक कृषिलाई प्रवर्द्धन गर्ने उद्देश्यका साथ इलाममा दुई दिने ‘केचना–कञ्चनजङ्घा रेस्पोन्सिबल टुरिजम मिट’ सुरु भएको छ। इलाम नगरपालिका नगर पर्यटन प्रवर्द्धन समितिको आयोजनामा सदरमुकामस्थित गौतमबुद्ध सभागृहमा यो कार्यक्रम सञ्चालन भइरहेको छ। यस सम्मेलनमा नेपाल र भारतका प्रतिनिधिहरूले पर्यटन र कृषि मार्फत जीवनस्तर सुधार गर्ने विषयमा छलफल गर्नेछन्।