हेटौँडाको भुवनेश्वर महादेव मन्दिर प्रमुख धार्मिक पर्यटकीय गन्तव्य बन्दै

मकवानपुरको हेटौँडा उपमहानगरपालिका–४ मा रहेको भुवनेश्वर महादेव मन्दिर क्षेत्रलाई प्रमुख धार्मिक पर्यटकीय तीर्थस्थलका रूपमा विकास गरिँदै लगिएको छ। विसं २०४२ मा निर्माण गरिएको यो मन्दिरको स्वरूप काठमाडौँको पशुपतिनाथ मन्दिरसँग मिल्दोजुल्दो रहेको छ। १० कठ्ठा सात धुर क्षेत्रफलमा फैलिएको यस मन्दिर परिसरमा नवग्रह, हनुमान र सरस्वतीका मूर्तिहरूका साथै अतिथि गृहसमेत निर्माण गरिएको छ। पशुपतिनाथको झल्को दिने यस क्षेत्रलाई धार्मिक पर्यटनको गन्तव्य बनाउन स्थानीय स्तरमा पहल भइरहेको छ।