म्याग्दीका तीन स्थानमा नदी नियन्त्रण योजना सम्पन्न

म्याग्दीको ऊर्जा, जलस्रोत तथा सिँचाइ डिभिजन कार्यालयले चालु आर्थिक वर्षमा जिल्लाका तीन स्थानमा नदी नियन्त्रण योजना सम्पन्न गरेको छ। अन्नपूर्ण गाउँपालिकाको पोखरेबगर, बेनी नगरपालिकाको सिंगा तातोपानी र मङ्गला गाउँपालिकाको सिममा नदी कटान र बाढी रोकथामका लागि तटबन्ध निर्माण गरिएको छ। कार्यालयका प्रमुख सिनियर डिभिजनल इन्जिनियर झलकमोहन ओझाका अनुसार यी योजनाहरूले स्थानीय बस्ती र पूर्वाधारलाई नदीजन्य प्रकोपबाट जोगाउने लक्ष्य राखेका छन्।