महाकाली पुलको गाइडबण्ड निर्माण अघि बढाउन मन्त्री सुनिल लम्सालको निर्देशन

पूर्वाधार विकासमन्त्री सुनिल लम्सालले कञ्चनपुरको महाकाली नदीमा निर्माण भएको चार लेनको पक्की पुलसँगै गाइडबण्डको निर्माण कार्य अघि बढाउन निर्देशन दिनुभएको छ। भीमदत्त नगरपालिका–१२ स्थित पुलको स्थलगत अनुगमन गर्दै मन्त्री लम्सालले गाइडबण्ड निर्माणका लागि नयाँ ठेक्का प्रक्रिया तत्काल सुरु गर्न मातहतका कार्यालयहरूलाई निर्देशन दिनुभयो। पुलको सुरक्षा र पूर्णताका लागि बाँकी रहेका पूर्वाधारका कामहरू चाँडो सक्नुपर्नेमा उहाँले जोड दिनुभएको छ।