७ खर्ब ५५ अर्ब बेरुजु फछ्र्यौटका लागि लेखा समितिको ‘फास्ट ट्र्याक’ योजना

प्रतिनिधिसभा अन्तर्गतको सार्वजनिक लेखा समितिले ७ खर्ब ५५ अर्ब १७ करोड २२ लाख रुपैयाँ बराबरको बेरुजुलाई ‘फास्ट ट्र्याक’ विधिबाट फछ्र्यौट गर्ने गृहकार्य सुरु गरेको छ। समितिका सभापति भरतबहादुर खड्काले वर्षौंदेखि बेरुजुको रकम बढ्दै जाँदा सरकारी निकायको कार्यक्षमतामा प्रश्न उठेकाले नीतिगत सहजीकरण गर्न लागिएको बताउनुभयो। सरकारी निकायहरूमा आर्थिक पारदर्शिता कायम गर्न र ठूलो परिमाणमा रहेको बेरुजु घटाउन समितिले यो योजना अघि सारेको हो।