एमसिए नेपालद्वारा सर्लाहीको ४५० हेक्टर क्षेत्रफलमा वृक्षरोपण गर्न सम्झौता

मिलेनियम च्यालेञ्ज एकाउण्ट (एमसिए) नेपालले विद्युत् प्रसारण आयोजनाबाट प्रभावित हुने वन क्षेत्रको क्षतिपूर्ति स्वरूप वृक्षरोपण गर्न प्रेरा निर्माण सेवासँग सम्झौता गरेको छ। यस सम्झौता अन्तर्गत सर्लाहीको ईश्वरपुर नगरपालिकास्थित सागरनाथ वन विकास परियोजनाको ४५० हेक्टर क्षेत्रफलमा वृक्षरोपण र वन व्यवस्थापन कार्य गरिनेछ। एमसिए नेपालले सोमबार एक विज्ञप्ति जारी गर्दै वातावरणीय संरक्षणका लागि यो कदम चालिएको जनाएको छ।