बाढीले डाइभर्सन बगाएपछि बीपी राजमार्गको काभ्रे खण्ड अवरुद्ध

आइतबार दिउँसो परेको भारी वर्षाका कारण रोशी र दाप्चा खोलामा आएको बाढीले बीपी राजमार्गका विभिन्न डाइभर्सनहरू बगाएको छ। काभ्रेपलाञ्चोकको चौकीडाँडा र घुमाउने क्षेत्रमा सडक क्षतिग्रस्त भएपछि अपराह्न ३ बजेदेखि सवारी आवागमन पूर्ण रूपमा ठप्प भएको छ। जिल्ला प्रहरी प्रमुख रविन कार्कीका अनुसार सडक मर्मत गरी सुरक्षित नभएसम्मका लागि यातायात सञ्चालनमा रोक लगाइएको छ।