नेपाल राष्ट्र बैंकले २० अर्ब रुपैयाँको एकवर्षे ऋणपत्र जारी गर्दै

नेपाल राष्ट्र बैंकले आन्तरिक ऋण व्यवस्थापनका लागि २० अर्ब रुपैयाँ बराबरको एकवर्षे ट्रेजरी बिल (ऋणपत्र) जारी गर्ने भएको छ। बैंकिङ प्रणालीमा तरलता व्यवस्थापन गर्न केन्द्रीय बैंकले यो वित्तीय उपकरण प्रयोगमा ल्याएको हो। यसअघि पनि बैंकले यस्तै ऋणपत्रहरू जारी गर्दै आएको थियो। इच्छुक बैंक तथा वित्तीय संस्थाहरूले यी धितोपत्रका लागि बोलकबोल प्रक्रियामा सहभागी हुन सक्नेछन्।