अमेरिकी सैन्य आक्रमण अन्तर्राष्ट्रिय कानुनविपरीत भएको इरानको दाबी

इरानले संयुक्त राज्य अमेरिकाद्वारा गरिएका पछिल्ला सैन्य आक्रमणहरू संयुक्त राष्ट्रसङ्घको बडापत्र र अन्तर्राष्ट्रिय कानुनको उल्लङ्घन भएको भन्दै कडा निन्दा गरेको छ। संयुक्त राष्ट्रसङ्घका लागि इरानका स्थायी प्रतिनिधि अमिर सइद इरवानीले महासचिव एन्टोनियो गुटेरेस र सुरक्षा परिषद्का अध्यक्षलाई पत्र पठाउँदै अमेरिकी कदमको विरोध गरेका हुन्। उक्त पत्रमा अमेरिकाले दक्षिणी इरानका विभिन्न प्रतिष्ठानहरूमा ठूलो मात्रामा सैन्य आक्रमण गरेको आरोप लगाइएको छ। इरानले यी कार्यहरूले क्षेत्रीय स्थिरतामा खलल पुर्‍याएको दाबी गरेको छ।