नेपाल राष्ट्र बैंकद्वारा मोबाइल एपबाटै निष्क्रिय खाता बन्द गर्न सकिने व्यवस्था

नेपाल राष्ट्र बैंकले बैंक तथा वित्तीय संस्थाहरूमा रहेका निष्क्रिय खाताहरू मोबाइल एप वा जुनसुकै शाखा कार्यालयबाट बन्द गर्न सकिने नयाँ व्यवस्था गरेको छ। केन्द्रीय बैंकले एकीकृत निर्देशनमा संशोधन गर्दै ग्राहकहरूलाई सहज सेवा उपलब्ध गराउन र निष्क्रिय खाताको संख्या घटाउन यस्तो निर्देशन दिएको हो। अब बैंकका ग्राहकहरूले आफ्नो खाता बन्द गर्न सम्बन्धित शाखामै पुग्नुपर्ने बाध्यता हटेको छ।