बागमती नदीमा आएको बाढीले कीर्तिपुरस्थित सुकुम्बासी होल्डिङ सेन्टर डुबानमा

अविरल वर्षाका कारण बागमती नदीमा आएको बाढीले कीर्तिपुर नगरपालिका-१० सुन्दरीघाटस्थित राधास्वामी सुकुम्बासी होल्डिङ सेन्टर डुबानमा पारेको छ। बाढी पसेपछि नेपाल प्रहरी र सशस्त्र प्रहरी बलको टोलीले त्यहाँ रहेका ५४ जनालाई उद्धार गरी त्रिभुवन विश्वविद्यालय परिसरमा स्थानान्तरण गरेको छ। उद्धारमा ढिलाइ भएको भन्दै विस्थापित सुकुम्बासीहरूले गुनासो गरेका छन् भने बाढीले उनीहरूको लत्ताकपडा र खाद्यान्नमा क्षति पुर्याएको छ।