प्रतिनिधिसभामा विपद् जोखिम न्यूनीकरण र समसामयिक विषयमा सांसदहरूको ध्यानाकर्षण

प्रतिनिधिसभाको सोमबारको आकस्मिक समयमा सांसदहरूले विपद् जोखिम न्यूनीकरण गरी जनताको जीउधनको रक्षा गर्न सरकारको ध्यानाकर्षण गराएका छन्। बैठकमा सांसद डा. अमरेशकुमार सिंहले जनतामा छाएको निराशा चिर्न सरकार र प्रतिपक्ष दुवैले उत्साहजनक गतिविधि सञ्चालन गर्नुपर्नेमा जोड दिनुभयो। सांसदहरूले समसामयिक र जनचासोका विषयमा बोल्दै लोकतन्त्र र मुलुकको रक्षाका लागि प्रभावकारी कदम चाल्न माग गरेका छन्।