समान निर्वाह भत्ताको माग गर्दै काठमाडौंमा इन्टर्न चिकित्सकहरूको प्रदर्शन

नेपालभरका एमबिबिएस र बिडिएस इन्टर्न चिकित्सकहरूले समान निर्वाह भत्ता र सुविधाको माग गर्दै काठमाडौंमा प्रदर्शन गरेका छन्। नेपाल चिकित्सक संघले यस आन्दोलनप्रति ऐक्यबद्धता जनाउँदै चिकित्सकहरूका माग सम्बोधन गर्न सरकारको ध्यानाकर्षण गराएको छ। विभिन्न शिक्षण संस्थाहरूमा भत्ताको दर फरक-फरक रहेकाले त्यसलाई एकरूपता दिन र उचित पारिश्रमिक सुनिश्चित गर्न उनीहरूले दबाब दिएका हुन्।