ढल्केबर-मुजफ्फरपुर प्रसारण लाइनबाट १६५० मेगावाट विद्युत् निर्यात गर्ने सहमति

नेपाल र भारतबीच ढल्केबर-मुजफ्फरपुर ४०० केभी अन्तर्देशीय प्रसारण लाइनबाट विद्युत् निर्यात क्षमता बढाएर १६५० मेगावाट पुर्‍याउने सहमति भएको छ। यसअघि यो प्रसारण लाइनबाट १,१०० मेगावाट मात्र निर्यात हुँदै आएकोमा अब क्षमता विस्तार गरिएको हो। ऊर्जा व्यापार सुदृढ गर्ने उद्देश्यले दुई देशबीच भएको प्राविधिक छलफलपछि यो निर्णय लिइएको हो। यसका साथै मोतीहारी-निजगढ र चमेलिया-जैलजिबी जस्ता अन्य अन्तर्देशीय प्रसारण लाइनहरूको क्षमताका बारेमा पनि छलफल भएको छ।