श्रम शोषण र न्यून पारिश्रमिकविरुद्ध काठमाडौंमा चिकित्सकहरूको प्रदर्शन

श्रम शोषणको अन्त्य र उचित पारिश्रमिकको माग गर्दै युवा तथा प्रशिक्षार्थी चिकित्सकहरूले शुक्रबार काठमाडौंमा प्रदर्शन गरेका छन्। प्रदर्शनकारीहरूले स्वास्थ्य क्षेत्रमा मर्यादित कार्य वातावरण र सेवा सुविधाको सुनिश्चितता गर्न माग गरेका हुन्। उनीहरूले युवा चिकित्सकहरूको समस्या समाधान गर्न सरकार उदासीन रहेको भन्दै नाराबाजी समेत गरेका थिए।