अविरल वर्षापछि पहिरोले पोखराको सेती नदी थुनियो

अविरल वर्षाका कारण गएको पहिरोले पोखराको सेती नदी थुनिएको छ। पोखरा महानगरपालिका वडा नम्बर १५ र १७ को सिमानामा पर्ने रातोपहिरोमा कटानका कारण पहिरो जाँदा नदीको बहाव रोकिएको हो। कास्कीका प्रमुख जिल्ला अधिकारी कुमनसिंह गुरुङसहितको सुरक्षा टोलीले घटनास्थल पुगेर अवस्थाको निरीक्षण गरेको छ। तल्लो तटीय क्षेत्रमा हुन सक्ने जोखिमलाई मध्यनजर गर्दै अधिकारीहरूले सतर्कता अपनाएका छन्।