सरकारले स्वार्थअनुसार संविधान र कानुन बदल्न खोजेको शंकर पोखरेलको आरोप

नेकपा एमालेका महासचिव शंकर पोखरेलले वर्तमान सरकारले आफ्नो स्वार्थ अनुकूल संविधान र कानुन परिवर्तन गर्न खोजेको आरोप लगाउनुभएको छ। च्यासलमा आयोजित सांसदहरूको प्रशिक्षण कार्यक्रममा बोल्दै उहाँले सरकारले कानुनको दुरुपयोग गर्न सक्ने जोखिम रहेको बताउनुभयो। महासचिव पोखरेलले सरकारले चालु आर्थिक वर्षमा डेढ सयभन्दा बढी कानुनहरू बदल्ने तयारी गरिरहेको दाबी गर्नुभयो।