नेपाल र चीनको सिचुआन प्रान्तबीच संस्कृति तथा पर्यटन प्रवर्द्धनबारे छलफल

सिचुआन प्रान्तीय संस्कृति तथा पर्यटन विभागका महानिर्देशक चेन गुआङ्घाओको नेतृत्वमा रहेको पाँच सदस्यीय चिनियाँ प्रतिनिधिमण्डलले बिहीबार काठमाडौंमा नेपाल पर्यटन बोर्डका अधिकारीहरूसँग भेटवार्ता गरेको छ। बैठकमा नेपाल र चीनको सिचुआन प्रान्तबीच द्विपक्षीय पर्यटन आदानप्रदानलाई सुदृढ गर्ने तथा सांस्कृतिक, साहसिक र बौद्ध पर्यटन प्रवर्द्धन गर्ने विषयमा छलफल भएको थियो। सरोकारवालाहरूले पर्यटकको संख्या बढाउन र सांस्कृतिक सम्बन्ध प्रगाढ बनाउन सहकार्य गर्नुपर्नेमा जोड दिएका छन्।