सिरहा र सप्तरीबाट करिब चार टन गाँजा बरामद, तीन जना पक्राउ

प्रहरीले दुई दिनको अवधिमा सिरहा र सप्तरीका विभिन्न स्थानबाट करिब ३ हजार ९ सय ८४ किलो गाँजा बरामद गरेको छ। सप्तरीको तिलाठी कोइलाडी गाउँपालिका–५ बाट मात्रै ३ हजार ३ सय ३२ किलो गाँजा बरामद भएको छ भने चालकहरू फरार रहेका छन्। यसैगरी सिरहाबाट गाँजासहित तीन जनालाई नियन्त्रणमा लिइएको छ। ठूलो परिमाणमा लागूऔषध ओसारपसार भइरहेको सूचनाका आधारमा प्रहरीले यो कारबाही चलाएको हो।