संघीय सांसदलाई स्वकीय सचिव दिने निर्णयविरुद्ध सर्वोच्चमा रिट दर्ता

संघीय संसदका सदस्यहरूलाई स्वकीय सचिव उपलब्ध गराउने सरकारको निर्णयविरुद्ध सर्वोच्च अदालतमा रिट निवेदन दर्ता गरिएको छ। अधिवक्ताद्वय डा. प्रेमराज सिलवाल र मनिराम उपाध्यायले उक्त व्यवस्था असंवैधानिक र कानुनविपरीत रहेको दाबी गर्दै रिट दायर गरेका हुन्। काठमाडौंस्थित सर्वोच्च अदालतमा दर्ता गरिएको यस निवेदनमा सांसदहरूका लागि निजी कर्मचारी नियुक्त गर्ने कानुनी आधार नभएको उल्लेख गरिएको छ।