पुष्पलाल स्मृति राष्ट्रिय ब्याडमिन्टनको मुख्य प्रायोजकमा लिनिङ्ग अनुबन्धित

नेपाल खेलकुद महासङ्घ अन्तर्गतको राष्ट्रिय ब्याडमिन्टन सङ्घ नेपालको आयोजनामा १४औं संस्करणको ‘पुष्पलाल स्मृति राष्ट्रिय वरीयता ब्याडमिन्टन प्रतियोगिता’ साउन २५ देखि ३० गतेसम्म सञ्चालन हुने भएको छ। विश्वविख्यात खेलकुद सामग्री उत्पादक कम्पनी ‘लिनिङ्ग’ ले यस प्रतियोगिताको मुख्य प्रायोजकका रूपमा सहकार्य गर्ने निश्चित भएको छ। सङ्घका महासचिव सुनिल मान शाक्यले प्रायोजनसम्बन्धी सम्झौता सम्पन्न भइसकेको जानकारी दिनुभएको छ।