कम्युनिस्ट आन्दोलनले धक्का खाए पनि धुलो टकटक्याएर अघि बढ्नुपर्छ : माधव नेपाल

नेपाल कम्युनिस्ट पार्टीका सहसंयोजक एवं पूर्वप्रधानमन्त्री माधवकुमार नेपालले कम्युनिस्ट आन्दोलनले वर्तमान समयमा केही धक्का खाए पनि नयाँ ऊर्जाका साथ अगाडि बढ्नुपर्ने बताएका छन्। काठमाडौंको पेरिसडाँडामा आयोजित कार्यक्रमलाई सम्बोधन गर्दै उनले आन्दोलनमा आएका चुनौतीहरूलाई चिर्दै अघि बढ्नुपर्नेमा जोड दिए। नेकपाका संस्थापक सदस्य नरबहादुर कर्माचार्यको १३ औँ स्मृति दिवसका अवसरमा आयोजित उक्त कार्यक्रममा नेपालले पार्टीलाई नयाँ शिराबाट पुनर्गठित गर्नुपर्ने धारणा राखे।