गृहमन्त्री सुदन गुरुङद्वारा रसुवाको भोटेकोशी दुर्घटनास्थलको निरीक्षण

गृहमन्त्री सुदन गुरुङले आइतबार रसुवाको स्याफ्रुबेँसी पुगेर भोटेकोशी नदीमा भएको सवारी दुर्घटनाको उद्धार कार्यको निरीक्षण गर्नुभएको छ। शनिबार साँझ एउटा विद्युतीय सवारी साधन नदीमा खस्दा २२ वर्षीय चालक सबिन तामाङ बेपत्ता भएका छन्। प्रमुख जिल्ला अधिकारी नरेन्द्र परियारका अनुसार तीनवटै सुरक्षा निकायका टोली र गोताखोरहरू खोजी कार्यमा संलग्न छन्। मन्त्री गुरुङले उद्धारकर्मीहरूको मनोबल बढाउन र घटनास्थलको अवस्था बुझ्न त्यहाँको भ्रमण गर्नुभएको हो।