पाँचथरको फालेलुङमा पहिरोका कारण चार परिवार विस्थापित, ३५ घर उच्च जोखिममा

पाँचथरको फालेलुङ गाउँपालिका–५ लुमाङदिनमा शनिबार बिहान गएको पहिरोका कारण चार परिवार विस्थापित भएका छन्। बस्तीको पुछारबाट पहिरो जान थालेपछि स्थानीय चार घरमा क्षति पुगेको छ भने थप ३५ घरधुरी उच्च जोखिममा परेका छन्। पहिरोले गाउँ नै तान्न थालेपछि सिङ्गो बस्ती नै संकटमा परेको स्थानीय प्रशासनले जनाएको छ। हालसम्म कुनै मानवीय क्षतिको विवरण प्राप्त नभए पनि जोखिममा रहेका परिवारहरू सुरक्षित स्थानतर्फ सरेका छन्।