केन्द्रको हस्तक्षेपले प्रदेश सरकार अस्थिर बन्यो: मन्त्री भीम पराजुली

कोशी प्रदेशका पर्यटन, वन तथा वातावरणमन्त्री भीम पराजुलीले केन्द्रका नेताहरूको हस्तक्षेपका कारण प्रदेश सरकारहरूमा राजनीतिक अस्थिरता बढेको बताउनुभएको छ। इटहरीमा आयोजित एक कार्यक्रममा बोल्दै उहाँले प्रदेश सरकारलाई निर्णय गर्ने स्वायत्तता नदिँदा संघीयताको वास्तविक मर्म नै कमजोर भएको तर्क गर्नुभयो। केन्द्रको दबाबका कारण प्रदेश सरकारहरू आफ्नै खुट्टामा उभिन नसकेको सन्देश जनतामा गएको उहाँको भनाइ छ।