मूलधारका सञ्चारमाध्यममा आदिवासी जनजातिका मुद्दा र समावेशीकरणमा जोड

नेपाल आदिवासी जनजाति पत्रकार महासङ्घ (फोनिज) को २७औँ वार्षिकोत्सवको अवसरमा काठमाडौंमा आयोजित एक कार्यक्रममा विज्ञहरूले मूलधारका सञ्चारमाध्यममा समावेशीकरण र आदिवासी जनजातिका मुद्दालाई प्राथमिकता दिनुपर्नेमा जोड दिएका छन्। तेस्रो अन्तरराष्ट्रिय मातृभाषा पत्रकारिता सम्मेलन–२०२६ को दोस्रो दिन आयोजित सत्रमा पत्रकारिताका अगुवाहरूले समावेशी पत्रकारिताका लागि योग्यता र क्षमता विकास आवश्यक रहेको बताए। सञ्चारिका समूहकी अध्यक्ष निर्मला शर्माले सम्पादकीय तहमा आदिवासी जनजातिको प्रतिनिधित्व र उनीहरूका सवालले महत्त्व पाउनुपर्ने धारणा व्यक्त गर्नुभयो।