नेपालभर विभिन्न कार्यक्रमका साथ अन्तर्राष्ट्रिय युवा दिवस मनाइँदै

विश्वभरका साथै नेपालमा पनि आज विभिन्न कार्यक्रमहरू आयोजना गरी अन्तर्राष्ट्रिय युवा दिवस मनाइँदैछ। यस वर्षको दिवस 'फरक सन्दर्भ, साझा आकाङ्क्षा' भन्ने नाराका साथ युवाहरूको सामाजिक भूमिका र भविष्य निर्माणमा उनीहरूको योगदानलाई जोड दिँदै मनाइएको हो। काठमाडौं लगायत देशका विभिन्न स्थानमा युवाहरूको साझा आशा र महत्त्वाकाङ्क्षालाई उजागर गर्ने उद्देश्यले विभिन्न कार्यक्रमहरू सञ्चालन भइरहेका छन्।