दूरसञ्चार क्षेत्रमा स्वस्थ प्रतिस्पर्धा र कानुनी पालनामा मन्त्री डा. तिमिल्सिनाको जोड

सूचना तथा सञ्चारमन्त्री डा. विक्रम तिमिल्सिनाले सबै दूरसञ्चार सेवा प्रदायकहरूले देशको कानुनी र नियामकीय व्यवस्थाअनुसार व्यावसायिक ढङ्गले कार्य गर्नुपर्नेमा जोड दिनुभएको छ। मन्त्रालयमा मंगलबार एनसेल आजियाटा लिमिटेडका प्रतिनिधिहरूसँगको भेटमा उहाँले सरकार स्वच्छ व्यावसायिक वातावरण निर्माण गर्न प्रतिबद्ध रहेको बताउनुभयो। मन्त्री तिमिल्सिनाले उपभोक्ताहरूलाई गुणस्तरीय सेवा सुनिश्चित गर्न सेवा प्रदायकहरूबीच स्वस्थ प्रतिस्पर्धा हुनुपर्ने कुरामा जोड दिनुभयो।