नेपाल र भारतबीच सीमा सुरक्षा र निगरानी बढाउने सहमति

नेपाल-भारत सुरक्षा तथा सीमा व्यवस्थापन संयुक्त कार्य समूहको १४ औं बैठक भारतको देहरादुनमा सुरु भएको छ। बिहीबारदेखि सुरु भएको दुई दिने बैठकमा दुवै देशका अधिकारीहरूले साझा सीमा व्यवस्थापनसँग सम्बन्धित विभिन्न विषयमा छलफल गरिरहेका छन्। सुरक्षा र सीमा समस्याहरू सम्बोधन गर्न गृह मन्त्रालयका प्रतिनिधिको नेतृत्वमा नेपाली टोली बैठकमा सहभागी छ।

नेपाल र भारतका सुरक्षा अधिकारीहरूबीच सीमा अपराध नियन्त्रणका लागि महोत्तरीको जलेश्वरमा समन्वय बैठक सम्पन्न भएको छ। बैठकमा मधेश प्रदेशका चार जिल्ला र भारतका सीमावर्ती जिल्लाहरूबीच संयुक्त गस्ती बढाउने र सूचना आदानप्रदान गर्ने सहमति भएको छ। यसैगरी, भारतको देहरादुनमा सम्पन्न नेपाल-भारत सीमा व्यवस्थापन संयुक्त कार्य समूहको १४ औँ बैठकले संवेदनशील सीमा बिन्दुहरूमा सीसीटीभी जस्ता आधुनिक प्रविधिको प्रयोग गरी निगरानी बढाउने निर्णय गरेको छ।