सार्वजनिक सेवा प्रसारण संस्थालाई व्यावसायिक र प्रतिस्पर्धी बनाउन सञ्चारमन्त्रीको निर्देशन

सूचना तथा सञ्चारमन्त्री डा. विक्रम तिमिल्सिनाले नेपाल टेलिभिजन र रेडियो नेपाल जस्ता सार्वजनिक सेवा प्रसारण संस्थाहरूलाई व्यावसायिक, प्रतिस्पर्धी र जनउत्तरदायी बनाउनुपर्नेमा जोड दिनुभएको छ। चालु आर्थिक वर्षको बजेट तथा कार्यक्रमबारे जानकारी लिँदै उहाँले सार्वजनिक संस्थाहरू कमजोर र निष्क्रिय हुँदै गएकोमा चिन्ता व्यक्त गर्नुभयो। मन्त्री तिमिल्सिनाले यी संस्थाहरूलाई प्रभावकारी बनाउन आवश्यक सुधारका लागि निर्देशन समेत दिनुभएको छ।