खोटाङमा शुभशेर राई स्मृति प्रतिष्ठानद्वारा शिक्षक र विद्यार्थी पुरस्कृत

खोटाङको शुभशेर राई स्मृति प्रतिष्ठानले आफ्नो चौथो साधारणसभा तथा दिवंगत शिक्षक शुभशेर राईको पाँचौँ पुण्यतिथिको अवसरमा शिक्षक र विद्यार्थीलाई पुरस्कृत गरेको छ। साकेला माध्यमिक विद्यालयका शिक्षक इन्द्रकुमार तामाङलाई 'शुभशेर राई जिल्ला उत्कृष्ट शिक्षक पुरस्कार-२०८३' प्रदान गरिएको छ। कार्यक्रममा उत्कृष्ट अङ्क ल्याउने एक विद्यार्थी र अन्य चार जनालाई समेत सम्मान गरिएको थियो। ४३ वर्ष शिक्षण सेवामा बिताएका राईको सम्झनामा दिक्तेलमा यो कार्यक्रम आयोजना गरिएको हो।