जनकपुरधामका ऐतिहासिक पोखरी वरपरका अतिक्रमित संरचना हटाउन डोजर परिचालन

गुठी संस्थानले जनकपुरधामका ऐतिहासिक तथा धार्मिक महत्त्वका पोखरीहरूको अतिक्रमित जग्गामा बनाइएका घर र टहराहरू भत्काउन सुरु गरेको छ। शनिबार बिहान स्थानीय गिरनारी कुटी नजिकैको जग्गामा रहेका संरचनाहरू डोजर प्रयोग गरी हटाइएको छ। जनकपुर उपमहानगरपालिका भित्र रहेका यस्ता अतिक्रमित क्षेत्रहरूलाई पुरानै अवस्थामा फर्काउने उद्देश्यले यो अभियान थालिएको हो।