पहिरोका कारण बेनी-जोमसोम र चामे-बेसीसहर सडकखण्ड पूर्ण रूपमा अवरुद्ध

अविरल वर्षाका कारण गएको पहिरोले म्याग्दीको बेनी-जोमसोम र मनाङको चामे-बेसीसहर सडकखण्ड पूर्ण रूपमा अवरुद्ध भएको छ। नेपाल प्रहरी प्रधान कार्यालयका अनुसार शनिबार बिहान ५:३० बजे म्याग्दीको रघुगंगा गाउँपालिका-२, बैसरीमा खसेको पहिरोले बेनी-जोमसोम सडक ठप्प पारेको हो। यस्तै, बिहान ३:०० बजेको समयमा गएको पहिरोले चामे-बेसीसहर सडक पनि अवरुद्ध हुँदा यस क्षेत्रको यातायात सेवा प्रभावित भएको छ।