रुकुम पश्चिममा विद्युतीय सवारीको ठक्करबाट आमा र छोरीको मृत्यु

रुकुम पश्चिमको मध्यपहाडी लोकमार्ग अन्तर्गत सानीभेरी गाउँपालिका-८, एकान्तमा विद्युतीय सवारी साधनको ठक्करबाट आमा र दुई वर्षीया छोरीको मृत्यु भएको छ। सिम्लीबाट चौरजहारीतर्फ जाँदै गरेको विद्युतीय सवारी साधन अर्को सवारीसँग ठोक्किँदा यो दुर्घटना भएको हो। जिल्ला प्रहरी कार्यालयका सूचना अधिकारी झविन्द्र परियारका अनुसार आइतबार बिहान उक्त दुर्घटना भएको थियो। प्रहरीले घटनाबारे थप अनुसन्धान गरिरहेको छ।