महिला हिंसाका अपराधीलाई कडा सजाय दिने कानुन बनाउन सांसद श्रद्धा कुँवरको माग

राष्ट्रिय स्वतन्त्र पार्टीकी सांसद श्रद्धा कुँवरले बलात्कार र महिला हिंसाका अपराधीहरूलाई कडा कानुनी कारबाहीको व्यवस्था गर्न माग गरेकी छन्। प्रतिनिधि सभाको बैठकमा बोल्दै उनले प्रमाणित बलात्कारी र जघन्य अपराधीलाई पाकेटमार जस्ता सामान्य अपराधीसँगै एउटै कारागारमा राख्न नमिल्ने तर्क गरिन्। पीडितलाई न्याय दिलाउन र यस्ता जघन्य अपराध नियन्त्रण गर्न कडा सजायको कानुन आवश्यक रहेकोमा उनले जोड दिइन्।