बाग्मतीका तीन मन्त्रीलाई पदमुक्त गर्न राप्रपा अध्यक्ष लिङदेनको सिफारिस

राष्ट्रिय प्रजातन्त्र पार्टी (राप्रपा) का अध्यक्ष राजेन्द्र लिङदेनले बाग्मती प्रदेश सरकारमा सहभागी आफ्ना तीन मन्त्रीलाई पदमुक्त गर्न सिफारिस गर्नुभएको छ। निर्वाचन आयोग र प्रदेश सभा सचिवालयलाई पत्र पठाउँदै मन्त्रीहरू राजु विष्ट, राजेन्द्र प्रजापति र गिरबहादुर तामाङलाई कारबाही गर्न माग गरिएको हो। पार्टीको केन्द्रीय निर्णयविपरीत सरकारमा सहभागी भएको र स्पष्टीकरणको जवाफ नदिएको भन्दै उनीहरूमाथि यो कदम चालिएको हो।