युवाको मनोविज्ञान नबुझे राजनीतिक दलहरूको पुनर्जागरण कठिन हुने महासचिव पोखरेलको भनाइ

नेकपा (एमाले) का महासचिव शङ्कर पोखरेलले प्रविधिसँगै हुर्किएको नयाँ पुस्ताको मनोविज्ञान बुझेर नीति तथा कार्यक्रम परिमार्जन नगरे पुराना राजनीतिक दलहरूको पुनर्जागरण कठिन हुने बताउनुभएको छ। उहाँले सामाजिक सञ्जाल फेसबुकमार्फत राजनीतिक दलहरूले आफ्ना कार्ययोजनामा सुधार गर्नुपर्नेमा जोड दिनुभएको हो। विगतका लोकतान्त्रिक आन्दोलनमा योगदान पुर्याएका दलहरूले युवा भावनालाई सम्बोधन नगरे अस्तित्व जोगाउन गाह्रो हुने उहाँको तर्क छ।