दिवंगत पितृको सम्झनामा आज देशभर गाईजात्रा पर्व मनाइँदै

यस वर्ष दिवंगत भएका आफन्तहरूको सम्झनामा आज देशभर विशेषगरी काठमाडौं उपत्यकामा परम्परागत गाईजात्रा पर्व मनाइँदैछ। यस अवसरमा मृतकका परिवारले गाई वा गाईको रूपमा सिँगारिएका बालबालिकालाई नगर परिक्रमा गराउने गर्दछन्, जसले आत्माको स्वर्गयात्रामा सहयोग पुग्ने विश्वास गरिन्छ। नेवार समुदायमा प्रचलित यो पर्वमा व्यङ्ग्य, प्रहसन र सांस्कृतिक झाँकीहरू प्रदर्शन गरी शोकाकुल परिवारलाई मनोरञ्जन र सान्त्वना दिने गरिन्छ। यो पर्व प्रत्येक वर्ष भाद्र कृष्ण प्रतिपदाका दिन मनाउने गरिन्छ।