लाङटाङ लिरुङमा हिउँ चोइटिएर हिमबाढी आएको वैज्ञानिक अध्ययनद्वारा पुष्टि

नेपाल र चीनका वैज्ञानिकहरूको अध्ययनले लाङटाङ लिरुङ हिमालको उत्तरी भागबाट हिउँको ठूलो हिस्सा चोइटिएर झरेका कारण विनाशकारी हिमबाढी आएको पुष्टि गरेको छ। भूउपग्रह र ड्रोनबाट खिचिएका तस्बिरहरूको विश्लेषण गर्दा उक्त हिउँ ल्हेन्दे खोला हुँदै भोटेकोशीमा मिसिएर नेपाल प्रवेश गरेको देखिएको छ। राष्ट्रिय विपत् जोखिम न्यूनीकरण तथा व्यवस्थापन प्राधिकरणले यस निष्कर्षबारे जानकारी दिँदै तटीय क्षेत्रमा उच्च सतर्कता अपनाउन आग्रह गरेको छ।