नेपाल र आसामका बाढी पीडितको सहयोगार्थ विशाल मिश्राले कन्सर्ट गर्ने

प्रसिद्ध भारतीय संगीतकार तथा गायक विशाल मिश्राले नेपाल र आसामका बाढी पीडितहरूको सहयोगका लागि कन्सर्ट गर्ने घोषणा गरेका छन्। शनिबार इन्स्टाग्राममार्फत जानकारी दिँदै उनले भोटेकोशी र रसुवाका बाढी प्रभावितहरूलाई आर्थिक सहयोग गर्ने वाचा गरेका हुन्। कन्सर्टको विस्तृत विवरण र मिति तय हुन बाँकी भए तापनि उनले कार्यक्रमबाट संकलित रकम राहतका लागि उपलब्ध गराउने बताएका छन्।