एसीसी प्रिमियर कपको पहिलो खेलमा नेपालद्वारा बहराइन सात विकेटले पराजित

मलेसियामा जारी एसीसी प्रिमियर कपको तेस्रो संस्करण अन्तर्गत नेपालले आज आफ्नो पहिलो खेलमा बहराइनको सामना गर्दैछ। आइतबारदेखि सुरु भएको यस प्रतियोगितामा १० टोली सहभागी छन्, जसको विजेताले सन् २०२७ को एसिया कपमा स्थान सुरक्षित गर्नेछ। नेपाल प्रतियोगिताको उपाधि जित्दै एसिया कपका लागि छनोट हुने लक्ष्यका साथ मैदान उत्रदैछ।

मलेसियाको बाङ्गीस्थित वाइएसडी-यूकेएम ओभलमा सोमबार भएको एसीसी प्रिमियर कपको आफ्नो पहिलो खेलमा नेपालले बहराइनलाई सात विकेटले पराजित गरेको छ। टस जितेर बलिङ रोजेको नेपालका लागि कप्तान सन्दीप लामिछानेले पाँच विकेट लिएपछि बहराइन ८७ रनमा समेटिएको थियो। ८८ रनको लक्ष्य नेपालले २१ ओभरमा ३ विकेट गुमाएर पूरा गर्‍यो, जसमा अर्जुन कुमालले अविजित रहँदै सर्वाधिक रन बनाए। सन् २०२७ को एसिया कपमा छनोट हुने लक्ष्यका साथ प्रतियोगितामा सहभागी भएको नेपालले यो जितसँगै सुखद सुरुवात गरेको छ।