सूर्यविनायक नगरपालिकाद्वारा प्रधानमन्त्री दैवी प्रकोप उद्धार कोषमा ५५ लाख ५५ हजार सहयोग

सूर्यविनायक नगरपालिकाले भोटेकोशी बाढी प्रभावित नागरिकको उद्धार र राहतका लागि प्रधानमन्त्री दैवी प्रकोप उद्धार कोषमा ५५ लाख ५५ हजार ५५५ रुपैयाँ जम्मा गर्ने निर्णय गरेको छ। नगर प्रमुख वासुदेव थापाको अध्यक्षतामा बसेको नगरपालिकाको २१५औँ कार्यपालिका बैठकले स्थानीय विपद् व्यवस्थापन कोषबाट सो रकम उपलब्ध गराउने निर्णय गरेको हो। यो रकम बाढी प्रभावित क्षेत्रमा पुनःस्थापना र राहत कार्यमा प्रयोग गरिनेछ।