बैतडीको झुलाघाटमा पहिरो खस्दा नेपाल–भारत सीमा नाका अवरुद्ध

बैतडीको झुलाघाटमा लगातारको वर्षासँगै खसेको पहिरोका कारण नेपाल–भारत सीमा नाका अवरुद्ध भएको छ। झुलाघाट बजार नजिकैको सडकमा लेदोसहितको ठूलो पहिरो खसेपछि बजार क्षेत्र समेत उच्च जोखिममा परेको छ। सोमबार रातिदेखि निरन्तर भइरहेको वर्षाका कारण सडक अवरुद्ध हुँदा आवतजावतमा समस्या उत्पन्न भएको स्थानीयले बताएका छन्। पहिरो खस्ने क्रम जारी रहेकाले सो क्षेत्रमा सुरक्षा सतर्कता अपनाइएको छ।