श्रीकृष्ण जन्माष्टमीको अवसरमा राष्ट्रपति रामचन्द्र पौडेलद्वारा शुभकामना व्यक्त

श्रीकृष्ण जन्माष्टमीको अवसरमा राष्ट्रपति रामचन्द्र पौडेलले सम्पूर्ण नेपालीहरूमा सुख, शान्ति र सुस्वास्थ्यको शुभकामना व्यक्त गर्नुभएको छ। भगवान श्रीकृष्णले दिनुभएको धर्म, कर्म, प्रेम र नैतिकता सम्बन्धी शिक्षाहरू वर्तमान समयमा पनि उत्तिकै सान्दर्भिक र उपयोगी रहेको उहाँले उल्लेख गर्नुभयो। ज्ञान र भक्ति मार्गका प्रणेता श्रीकृष्णको पूजा आराधना गरी यो पर्व मनाइने कुरामा समेत राष्ट्रपतिले जोड दिनुभएको छ।