वीरगञ्जको क्यासिनोबाट सखुवाप्रसौनी गाउँपालिका अध्यक्षसहित आठ जना पक्राउ

पर्साको सखुवाप्रसौनी गाउँपालिकाका अध्यक्ष जसवन्त यादवसहित आठ जनालाई वीरगञ्जको एक क्यासिनोबाट प्रहरीले पक्राउ गरेको छ। शनिबार राति वीरगञ्ज-गण्डकस्थित क्लार्क रिसोर्ट होटलमा सञ्चालित क्यासिनो गोल्डेन फिंगर गेमिङ जोनमा छापा मार्ने क्रममा उनीहरू पक्राउ परेका हुन्। अध्यक्ष यादवले प्रयोग गरेको सरकारी सवारी साधन पनि प्रहरीले नियन्त्रणमा लिएको छ। पक्राउ पर्नेहरूमा एक प्रहरी निरीक्षक समेत रहेको बताइएको छ।