पहिरोको जोखिमका कारण दैलेखको नमुना बस्तीका ३७ जना विस्थापित

लगातारको वर्षाका कारण दैलेखको नारायण नगरपालिका-१ स्थित नमुना बस्ती पहिरोको उच्च जोखिममा परेको छ। आइतबार रातिदेखि सुरु भएको पहिरोका कारण आठ परिवारका ३७ जना विस्थापित भएका छन्। जिल्ला प्रहरी कार्यालय दैलेखबाट प्रहरी निरीक्षक ऋषिकेश गौतम हरिजनको नेतृत्वमा खटिएको टोलीले स्थानीय बासिन्दालाई सुरक्षित स्थानमा स्थानान्तरण गर्न सहयोग गरेको छ।