धनुषामा १९७ ग्राम ब्राउन हेरोइनसहित दुई जना पक्राउ

धनुषा प्रहरीले १९७ ग्राम ४४० मिलिग्राम ब्राउन हेरोइनसहित भारतीय नागरिक संजित कुमारसहित दुई जनालाई पक्राउ गरेको छ। लागूऔषध नियन्त्रण ब्युरो र इलाका प्रहरी कार्यालय महेन्द्रनगरको संयुक्त टोलीले जनकपुर-ढल्केबर सडक खण्डमा उनीहरूलाई नियन्त्रणमा लिएको हो। विशेष सूचनाको आधारमा आइतबार बिहान मोटरसाइकलमा सवार रहेका उनीहरूलाई खानतलासी गर्दा उक्त परिमाणको लागूऔषध फेला परेको थियो।