बूढानीलकण्ठ नगरपालिकामा शैक्षिक सूचना व्यवस्थापन र विद्यालय नक्साङ्कनका लागि नयाँ प्रविधि

काठमाडौँको बूढानीलकण्ठ नगरपालिकालाई भौगोलिक सूचना प्रणाली (जिआइएस) प्रविधिमा आधारित शैक्षिक सूचना प्रणाली व्यवस्थापन तथा विद्यालय नक्साङ्कनसम्बन्धी सफ्टवेयर हस्तान्तरण गरिएको छ। ग्लोबल एक्सन नेपालका कार्यकारी निर्देशक बाबुकाजी श्रेष्ठले नगरप्रमुख मीठाराम अधिकारीलाई सो सफ्टवेयरको फाइल हस्तान्तरण गर्नुभएको हो। यो प्रविधिले नगरपालिकाको शैक्षिक पूर्वाधार र तथ्याङ्क व्यवस्थापनलाई थप व्यवस्थित बनाउने लक्ष्य राखेको छ। विगत केही वर्षदेखि ग्लोबल एक्सन नेपालले यस पालिकामा शैक्षिक सहकार्य गर्दै आएको छ।