रसुवाको नौकुण्डमा सुख्खा पहिरोका कारण सडक अवरुद्ध

रसुवाको नौकुण्ड गाउँपालिका-५ स्थित भोर्ले बजार नजिकै बुधबार साँझ सुख्खा पहिरो जाँदा सडक अवरुद्ध भएको छ। बागेश्वरी मन्दिर नजिकै खसेको पहिरोले जिरो-भोर्ले-पार्च्याङ सडक खण्ड ठप्प पारेको हो। बेत्रावती-स्याफ्रुबेसी मुख्य सडक अवरुद्ध भएपछि यो सडक नुवाकोट र धुन्चे जोड्ने वैकल्पिक मार्गको रूपमा प्रयोग हुँदै आएको थियो।